Hummer konveyri birdəfəlik bağlanır

Hummer konveyri birdəfəlik bağlanır
Görünür bu həftə ABŞ-da sonuncu Hummer markalı SUV-lar toplanacaq. Luziana ştatında Avis kira kompaniyasının sifariş verdiyi 849 Hummer H3 modelindən ibarət partiyanı yerinə yetirəcəklər və bundan sonra bu əfsanəvi avtomobil markasının istehsalı dayandırılacaq (H2 modelinin buraxılışı hələ keçən il dayandırılmışdı.).

İstehsalın dayandırılma səbəbi aydındır – ABŞ-da Hummer avtomobillərinə təlabat çox aşağıdır. Hər ay bu avtomobili almaq istəyənlərin sayı azalmaqdadır. Əgər 2006-cı ildə 71500 Hummer satılmışdısa, keçən il alıcıların sayı 9000 olmuşdur.
Xatırladaq ki, hələ keçən il General Motors konserni Hummer markasını Çin kompaniyası olan Sichuan Tengzhong Heavy Industrial Machines-ə satmaq istəyirdi. Sonra bu iş baş tutmadı. Bundan sonra, GM, məntiqi olaraq sona çatmış Hummer-in aradan qaldırılmasına başladı.
Mənbə: auto.mail.ru
Tərcümə: AUTO.AZ