Çinli Brilliance BMW 3 series-in uzadılmışını buraxacaq

Çinli Brilliance BMW 3 series-in uzadılmışını buraxacaq
Çin avtomobil kompaniyası Brilliance BMW konserni ilə əməkdaşlıq əlaqələrini genişləndirir və Çində ikinci birgə zavodunu tikməyə başlayır. Brilliance-ın idarə heyətinin direktoru Çi Yuminanın China Car Times-a dediyinə əsasən ildə 100 000 avtomobil istehsal etmə gücünə malik zavodu 2012-ci ildə Şenyan şəhərində açacaq. Müəssisə Çində məşhur Audi A4L-ə və kompakt SUV BMW X1-ə  rəqib ola biləcək uzadılmış BMW 3 series buraxacaq. Çi Yuminanın sözünə əsasən, yeni modellərin lokallaşdırma səviyyəsi 60%-ə çatacaq, bununla yanaşı birgə müəssisə avtomobilləri ancaq Çin Xalq Respublikasında realizə etməyəcək, eksporta da göndərəcək.
Xatırladaq ki, Brilliance-BMW birgə müəssisəsinin artıq Şenyanda bir zavodu var. İldə 200 000 avtomobil buraxma gücündə olan müəssisə qısabazalı BMW 3-cü seriya və BMW 5-ci seriyanı istehsal edir. 2010-cu ilin birinci kvartalında Çində BMW-nin satışı 2009-cu ilin analoji vaxtı ilə müqayisədə 2 dəfə artıb.
Mənbə: autonews.ru
Tərcümə: AUTO.AZ