Anket
Sığortanın hansı yaxşıdır?

15 Oca 11:50ÖyrənəkBaxış: 62 Carlife

Avtomobillərdən ilhamlanaraq hazırlanan saatlar

Saatlar incə dizaynların eksklüziv mexanizmlərlə birləşdiyi mikro-mexaniki zaman maşınlarıdır. Xüsusilə, peşəkar saat istehsalçılarının dizaynlarının hər parçasında çox detallı zəka oyunları var. Bunları kəşf etdikdə saatsazlıq sonsuz və zövqlü işə çevrilir. Avtomobil şirkətləri ilə əməkdaşlıq nəticəsində yaradılan saat modelləri isə gizli kodları ilə həll olunmağı gözləyən xoş bir tapmacadır. 
Bu yazımızda həm dizayn, həm də mexanika cəhətdən sektoru istiqamətləndirən dəyərli işləri xatırlayacağıq.
“Hublot” – “Scuderia Ferrari”

Bütün dövrlərin ən uğurlu “Formula-1” komandası, “Scuderia Ferrari” 1929-cu ildə yaradılıb. 1930-cu ildə ilk dəfə yarışa çıxıb, sonralar isə dünyanın ən mühüm yarışlarını qazanıb. Əfsanə komanda 2019-cu ildə 90 illik yubileyini qeyd edib.
Bu mənalı ili qeyd etmək üçün “Hublot” və “Scuderia Ferrari” əməkdaşlıq edərək üç yeni saat modeli təqdim ediblər. Onlar “Hublot”un peşəkarlığı ilə “Ferrari”nin zəngin tarixi və geniş irsininin bütün detallarını özündə əks etdirir. 
İlk modeldə platin korpusun içərisindən görünə bilən mexanizm hissələri avtomobil göstəricisindən ilham alaraq yaradılıb. Saat qayışının deşikli konstruksiyası isə oturacağın döşəməsinə uyğunlaşdırılıb. 
İkinci model 3D karbondan istifadə edilərək “Ferrari”nin indiki dizaynı əsasında meydana gəlib. Bu modeldə sürücünün geyimində istifadə olunan yanğına davamlı “Nomex” materialından hazırlanan qırmızı və qara qayış saatda kontrastlıq yaradıb.
Üçüncü modeldə isə yenilikçi materiallardan istifadə edərək sapfir şəffaf korpus ilə futuristik bir görünüş əldə edilib. 
Yaradılan hər üç versiya “Scuderia”nın kənar rənglərini, nömrələrini və indekslərini daşıyır. Platin buraxılış sarı rəngdə, 3D karbon qırmızı və sapfir qara rəngdədir.
“Jacob & Co” – “Bugatti”

Avtomobil və saat şirkətlərinin bir araya gəlməsinin ən yaxşı hissəsi istehsal olunan texnologiya ilə dolu modellərdir. “Jacob Co”nun “Bugatti” ilə uzunmüddətli əməkdaşlığı nəticəsində ərsəyə gələn “Twin Turbo Furious Bugatti Edition”modeli bu fikri təsdiqləyir. 
“Bugatti”nin orta mühərrikli idman avtomobili “Chiron”un 110 illik yubileyi şərəfinə hazırlanan “Bugatti” loqotipi olan “Twin Turbo Furious Bugatti” 57x52 mm ölçülü, karbon ilə möhkəmləndirilmiş qara DLC titan gövdəyə sahibdir və 17 mm qalınlığındadır. Bu mexanizm birləşdirilmiş 832 hissədən ibarətdir. Qara dəri kəmərdə isə mavi tikişlər var. Cəmi 20 ədəd istehsal edilən bu modelin Fransa bayrağından ilhamlandığını görmək mümkündür.
“Roger Dubuis” – “Lamborghini”

“Roger Dubuis” tərəfindən təqdim edilən ən son model “Excalibur Huracan Performante” uzaqgörən mühəndislərin inanılmaz saat istehsalçıları ilə birləşdikdə ağlasığmaz modellər yarandığının ən bariz nümunəsi oldu.
Qabaqcıl texnologiya və avantürist dizaynını avtomobil dünyasından götürən “Excalibur Huracan” 45 mm-lik gövdəyə sahibdir. Modelin 12 dərəcəlik balans çarxı “Lamborghini Squadra Corse” dan ilhamlanaraq yaradılıb. Saatdakı bütün detallar dizaynını avtomobil hissələrindən götürüb. “Lamborghini Huracán V10”un mühərrik dizaynı mexanizmi saxlamağa kömək edən körpülərdə öz əksini tapır. Təsirli qırmızı rəngli model 88 ədəd məhdud sayda təqdim olunub.


Yorum ekle
Adınız:
E-Mail Adresiniz:
Kod:
Okunamayan kodu yenilemek için resmin üstüne tıklayınız
Kodu girin: