Anket
Sığortanın hansı yaxşıdır?

27 Ağu 15:28Öyrənək

Avtomobil nömrəsinin qanuni yolla "perekidka" edilməsi- Qaydalar


Bəzi sürücülər idarə etdikləri avtomobilləri tez-tez dəyişib yenisini alırlar. Bu zaman avtomobilin üzərində olan qeydiyyat nişanını yeni aldıqları avtomobilə təhkim etmək istəyirlər. Bəs bunun qanuni proseduru və rüsumları nə qədərdir?

AVTOSFER.AZ xəbər verir ki, mövcud "Yol Hərəkəti Haqqında Qanun"da qeydiyyat nişanının saxlancda qalması (bron edilməsi) nəzərdə tutulmadığı üçün bunun qanuni proseduru fərqlidir. Belə ki, sürücü hal hazırki idarə etdiyi avtomobilini özgəninkiləşdirən zaman yeni aldığı avtomobili də həmin vaxt qeydiyyat-imtahan idarəsinə gətirməlidir. Avtomobillər müayinə edildikdən sonra alqı satqı müqaviləsi bağlanmalı, bundan sonra digər nəzərdə tutulmuş otaqlarda xüsusi qeydlər aparılmalı və daha sonra həmin şəxs qeydiyyatda olduğu rayonun otağına yaxınlaşmalıdır. Bu zaman o, qeydiyyat nişanının yeni avtomobilə təhkim edilməsini bildirməlidir. Sadalanan bu prosedurlardan sonra qanunvericilikdə nəzərdə tutulmuş dövlət rüsumlarını (25 manat qeydiyyat şəhadətnaməsi, 22 manat qeydiyyat nişanı və mühərrikin həcminə görə olan rüsumları) ödədikdən sonra yeni aldığı avtomobilə əvvəlki qeydiyyat nişanını təhkim etməklə rəsmiləşdirə bilər.

Qeyd edək ki, xüsusi rəqəm və hərf kombinasiyasından ibarət olan qeydiyyat nişanları (001-009, 100-900, 111-999 olan qeydiyyat nişanları) digər avtomobilə təkrar təhkim edilən zaman, yenə də qeydiyyat nişanı üçün 22 manat rüsum ödənilir.



Yorum ekle
Adınız:
E-Mail Adresiniz:
Kod:
Okunamayan kodu yenilemek için resmin üstüne tıklayınız
Kodu girin: